e kaash kahin aisa hota ki do dil hote seene main
ek toot bhi jaata ishq mein to taklif na hoti jeene mein

BABA GURIYA LAA DO NA

EK BACHI AAJ PHIR

baithi hay woh intezaar main saipahar se
maa kab aayenge baba pochay betabi se
khilay masoom chehra baba ki dastak se
daur ker lipat jaaye baba ki taangoon se
masoom andaz main kaha apnay baba se

BABA GURIYA LAA DO NA

baba usko gaud main utha kar muskarata hai
bari mohabbat se beti ko apni bosa deta hai
seenay se apnay chimta ke woh yeh kehta hai
aaj bohat thak gya beta or kal pe taal deta hai
sun k beti ki yeh fariyaad woh aah bharta hai

BABA GURIYA LAA DO NA

baad iss ke jaye woh khailnay apni sehliyon se
sajaaye doosroon ki guriya ko iss umeed se
banaongii dulhan guriya ko apni kal piyar se
karay widaayi guriya ki woh num ankhoon se
aur mun mun main woh kahe bari hasrat se

BABA GURIYA LAA DO NA

aa ke ghar baithe maa ki aagosh main laad se
maa khaanaa khilaaye uss ko baray piyar se
kuch sooch ker munh phairay woh khanay se
khaongi khana saath guriya ke kahai maa se
jaa k phir masoom si zid karay apnay baba se

BABA GURIYA LAA DO NA

dekh na paaye beti aansoon ko chupata hai
dil k andar hi apni ahaon ka gala dabata hai
or muskarati ankhoon se beti ko manata hai
apnay hathon se phir usko khana khilata hai
kuch yonhi beti ko iss zid se chup karata hai

BABA GURIYA LAA DO NA

baba uss ka jab raat ko soonay jaata hai
beti ko woh apnay seenay pe sulaata hai
bund ankhoon se apne kal ko sochta hai
anginat zarooratoon main woh khoota hai
soch ke beti ki yeh fariyaad woh roota hai

BABA GURIYA LAA DO NA

bas ab yeh qalam bhi haara chuka iss gurbat se
hay lub-e-Aman pe bas yeh ek dua ALLAH se
na rahaIn hasratain zindagi main nayi subah se
yeh bachi khaile sang sehliyon ke apni guriya se
phir kabhi yeh bachi kah na sakay apnai baba se

BABA GURIYA LAA DO NA
BABA GURIYA LAA DO NA

Teri ankhon ka ye kajal bara anmol lagta hy,

Teri zulfo ka ye badal bara anmol lagta hy,

Bara masoom sa hy ye tere chehre ka bhola pan,

Tera wo shok chanchal dil bara anmol lagta hy,

Tere pairon ki wo payal tere hathon ka wo kangan,

Wo jhumka tere kaano ka bara anmol lagta hy,

Jo milty ho mujhse rahon mn to diljhoom uthta hy,

Zara se sath ka wo pal bara anmol lagta hy,

Wo kaghaz pe tera naam likhna or mita dena\"wasi\"

Mujhy ye khud ka pagal pan bara anmol lagta hy...